கர்த்தரை உயர்த்திடும் காலம்
Lyrics & Tune Bishop Kingsly
கர்த்தரை உயர்த்திடும் காலம்
இது நன்றியால் துதித்திடும் நேரம்
தேவ வார்த்தையை நம்பிடும் யாரும்
கிருபையைக் கொண்டாடிடுவோம்-(2)
1) ஒதுக்கப்பட்ட என்னை சேர்த்துக்கொண்டீர்
தள்ளப்பட்ட என்னை அணைத்துக் கொண்டீர் -(2)
கேட்டதைத் தந்திட்டீர், ஆசீர்வதித்திட்டீர்
கேட்க மறந்ததையும் சேர்த்துக் கொடுத்திட்டீர் -(2)
2) பலவீன நேரத்தில் சுமந்து கொண்டீர்
(என்) தோல்வியின் நேரத்தில் தோள் கொடுத்தீர் -(2)
இதுவரைக் காத்தவர், இனிமேலும் காத்திடுவீர்
என்ற நிச்சயத்தை எனக்கு தந்தீர் -(2)
3) தோல்வி இல்லை எனக்குத் தொய்வும் இல்லை
எவரைக் கண்டும் எனக்கு பயமுமில்லை -(2)
அழைத்த ஆண்டவர், என்னோடு இருக்க
ஒருபோதும் அசைக்கப் படுவதில்லை -(2)